Telle que dans son char la berecynthienne - Sonnet

Telle que dans son char la
Berecynthienne
Couronnée de tours, & joyeuse d'avoir
Enfanté tant de
Dieux, telle se faisoit voir
En ses jours plus heureux ceste ville ancienne :



Ceste ville, qui fut plus que la
Phrygienne
Foisonnante en enfans, & de qui le pouvoir
Fut le pouvoir du monde, & ne se peult revoir
Pareille à sa grandeur, grandeur sinon la sienne.



Rome seule pouvoit à
Rome ressembler,
Rome seule pouvoit
Rome faire trembler :
Ainsi n'avoit permis l'ordonnance fatale



Qu'autre pouvoir humain, tant fust audacieux,
Se vantast d'égaler celle qui fit égale
Sa puissance à la terre & son courage aux cieux.