Sonnet xvii - Sonnet

A cest anneau parfait en forme ronde,
Ensemble et toy, et moy, je parangonne.
La foy le clôt : la foy ne m'abandonne.
Son teint est d'or : moins que l'or tu n'es blonde.

S'il est semé de larmes : trop abonde

L'humeur en moy, qui proye au dueil me donne.

Si un escrit au dedans l'environne :



Tu m'es au cueur en graveure profonde.

Sa foy retient un diamant lié
Et mon service à toy tout dédié
T'arrestera ; tant sois cruelle, ou dure.

Et puis, ainsi que ny force, ny flame
Peut consumer un diamant, (Madame)
Malgré tout sort sans fin mon amour dure.