Sonnet xxvi - Sonnet

Plus tost le bal de tant d'astres divers
Sera lassé, plus tost la terre & l'onde,
Et du grand
Tout l'ame en tout vagabonde
Animera les abysmes ouverts :



Plus tost les cieulx des mers seront couverts,
Plus tost sans forme ira confus le monde :
Que je sois serf d'une maistresse blonde,
Ou que j'adore une femme aux yeulx verdz.



Car cest oil brun qui vint premier esteindre
Le jour des miens, les sceut si bien attaindre,
Qu'autre oil jamais n'en sera le vainqueur.



Et quand la mort m'aura la vie ostée,
Encor là bas je veulx aymer l'Idée
De ces beaulx yeulx que j'ay fichez au cuour.