Ceste nuict ne nous est point nuict - Sonnet

Elle nous est une journée :

La nuict n'est encor retournée,

Ton oil au lieu du soleil luit.
Diane qui les ombres suit

Est or' d'un noir environnée,

Et ennemie d'himenee,

Pour nous séparer loing s'enfuit.
Ne te haste, chaste déesse,

N'interromps point nostre caresse,

Pour la vistesse de ton cours,
M'amie avant que le jour vienne,

Que je sois tien que tu sois mienne

Renduz contens de noz amours.