A ceulx qui blament les mathematiques - Poéme

Tant plus je voy que vous blâmez
Si noble discipline,
Plus a l'aimer vous enflammez
Ma volonté encline.



Car ce qui a moins de suivans
D'autant plus il est rare,
Et est la chose entre vivans
Dont on est plus avare.



Assez regarde l'indocte homme
Du
Ciel rond la ceinture,
Mais il s'y congnoit ainsi comme
L'aveugle en la peinture.



Celuy qui a l'ame ravie
Par les
Cieux va et passe,
Et souvent voit durant' sa vie
D'en hault la terre basse.



Ceste science l'homme cueille
Alors qu'il imagine
La facture et grande merveille
De la ronde machine.