De sa sainte - Sonnet

Un jour ma
Sainte au temple saint oroit.
Au ciel estoit le bruit de son silence,
Comme un
Soleil reluisoit sa présence,
Et tout le lieu de son ombre doroit.



L'image en
Croix de cil qu'elle adoroit,
Signes monstroit de grand' benivolence
Saintes et
Saints luy faisoient révérence,
Et tout le temple honoré l'honoroit.



Ce que j'en dy n'est pas nouvelle sceue
Par rapport d'autre, et n'en suis inventeur
Car de mes yeux j'ay la chose apperceue.



Que si je suis oultre mon gré menteur,
Et que ma veuë en cela soit deceue,
Tu es,
Amour, un terrible enchanteur.