Sonnet xx - Sonnet

Je voyageois un jour sur le fleuve de
Seine
Avecque la beauté qui me rend langoureux,
Helas ! qui me disoit ces beaux mots amoureux
Que
Narcis adressoit à son image vaine :



J'estois son seul espoir, son plaisir, et sa peine,
Le seul bien qui rendoit ses esprits bien heureux,
J'estois son petit cour, sa lumière sereine,
Et le
Temple où sans fin elle adressoit ses voux :



Puis elle me disoit, ô ma belle pensée,

Faisons que nostre
Amour ne soit jamais faussée,
Et que malgré la mort elle vive au tombeau :



Jamais d'un autre
Amant je ne seray
Maistresse ;
Et pour t'en asseurer j'en signe la promesse,
Mais enfin j'apperçeu qu'elle escrivoit en l'eau.