Sonnet iv - Sonnet

Ah longues nuicts d'hyver de ma vie bourrelles,
Donnez moy patience, & me laissez dormir,
Vostre nom seulement, & suer & frémir
Me fait par tout le corps, tant vous m'estes cruelles.



Le sommeil tant soit peu n'esvente de ses ailes
Mes yeux tousjours ouvers, & ne puis affermir
Paupière sur paupière, & ne fais que gémir,
Souffrant comme
Ixion des peines éternelles.



Vieille umbre de la terre, ainçois l'umbre d'enfer,
Tu m'as ouvert les yeux d'une chaisne de fer,
Me consumant au
Iict, navré de mille pointes :



Pour chasser mes douleurs ameine moy la mort,
Ha mort, le port commun, des hommes le confort,
Viens enterrer mes maux, je t'en prie à mains jointes.