Marie... - Poéme

Marie, qui voudroit vostre nom retourner,
Il trouveroit aimer : aimez-moy donc,
Marie,
Vostre nom de nature à l'amour vous convie.
A qui trahist
Nature il ne faut pardonner.



S'il vous plaist vostre cour pour gage me donner,
Je vous offre le mien : ainsi de ceste vie

Nous prendrons les plaisirs, et jamais autre envie
Ne me pourra l'esprit d'une autre emprisonner.



Il fault aimer, maistresse, au monde quelque chose.
Celuy qui n'aime point, malheureux se propose
Une vie d'un
Scythe, et ses jours veut passer



Sans gouster la douceur des douceurs la meilleure.
Rien n'est doux sans
Venus et sans son fils : à l'heure
Que je n'aimeray plus, puissé-je trespasser !