Chanson 13 - Élégie

Du jour que je fus amoureux,
Nul past *, tant soit-il savoureux,
Ne vin, tant soit-il délectable,
Au cour ne m'est point agréable;



Car depuis l'heure je ne su
Manger ou boire qui m'ait plu.
Une tristesse en l'âme close
Me nourrit, et non autre chose.
Tous les plaisirs que j'estimais
Alors que libre je n'aimais,
Maintenant je les désestime :
Plus ne m'est plaisante l'escrime,
La paume, la chasse, et le bal.
Mais comme un farouche anima]
Je me perds, pour celer ma rage,
En l'abri d'un antre sauvage.
L'amour fut bien forte poison
Qui m'ensorcela la raison,
Et qui me déroba l'audace
Que je portais dessus la face,
Me faisant aller pas à pas,
Triste et pensif, le front à bas,
En homme qui craint et qui n'ose
Se fier plus en nulle chose.
Le tourment qu'on feint d'Ixion,
N'approche de ma passion,
Et mieux j'aimerais de
Tantale
Endurer la peine fatale
Un an, qu'être un jour amoureux,
Pour languir autant malheureux .
Que j'ai fait, depuis que
Cassandre
Tient mon cour et ne le veut rendre.