En toy je vis... - Poéme

En toy je vis, où que tu sois absente :
En moy je meurs, où que soye présent.
Tant loing sois tu, tousjours tu es présente :
Pour près que soye, encores suis je absent.

Et si nature oultragee se sent
De me veoir vivre en toy trop plus, qu'en moy :
Le hault povoir qui, ouvrant sans esmoy,
Infuse l'ame en ce mien corps passible,
La prévoyant sans son essence en soy,
En toy l'estend, comme en son plus possible.