Paul Verlaine

Alain Bosquet

Jules Laforgue

Jacques Prévert

Pierre Reverdy

Max Jacob

Clément Marot

Aimé Césaire

Henri Michaux

Victor Hugo

Robert Desnos

Blaise Cendrars

René Char

Charles Baudelaire

Georges Mogin

Andrée Chedid

Guillaume Apollinaire

Louis Aragon

Arthur Rimbaud

Francis Jammes


Devenir membre
 
 
 

François Villon

Epistre a ses amis - Poéme


Poéme / Poémes d'François Villon





Aiez pitié, aiez pitié de moy,
A tout le moins, si vous plaist, mes amis !
En fosse gis, non pas soubz houx ne may,
En cest exil ouquel je suis transmis
Par fortune, comme
Dieu l'a permis.
Filles, amans, jeunes, vieulx et nouveaulx,
Danceurs, saulteurs, faisans les piez de veaux,
Vifs comme dars, agus comme aguillon,
Gousiers tintans cler comme cascaveaux,
Le lesserez la, le povre
Villon ?



Chantres chantans a plaisance, sans loy,
Galans, rians, plaisans en fais et dis,
Courens, alans, francs de faulx or, d'aloy,
Gens d'esperit, ung petit estourdis,
Trop demourez, car il meurt entandis.
Faiseurs de laiz, de motetz et rondeaux,
Quand mort sera, vous lui ferez chaudeaux !
Ou gist, il n'entre escler ne tourbillon :
De murs espoix on luy a fait bandeaux.
Le lesserez la, le povre
Villon ?



Venez le veoir en ce piteux arroy,
Nobles hommes, francs de quart et de dix,
Qui ne tenez d'empereur ne de roy,
Mais seulement de
Dieu de
Paradis :
Jeûner lui fault dimanches et mardis,



Dont les dens a plus longues que ratteaux;
Après pain sec, non pas après gasteaux,
En ses boyaulx verse eau a gros bouillon ;
Bas enterré, table n'a, ne tresteaulx.
Le lesserez la, le povre
Villon ?



Princes nommez, anciens, jouvenceaux,
Impetrez moy grâces et royaulx sceaux,
Et me montez en quelque corbillon.
Ainsi le font l'ung a l'autre pourceaux,
Car, ou l'ung brait, ils fuyent a monceaux.
Le lesserez la, le povre
Villon?










Contact - Membres - Conditions d'utilisation

© WikiPoemes - Droits de reproduction et de diffusion réservés.



François Villon
(1431 - 1463)
 
  François Villon - Portrait  
 
Portrait de François Villon