Tout en pensant a la beauté, ma dame - Rondeaux

Tout en pensant a la beauté ma dame,

Qu'on ne pourroit prisier souffisament,

Ce rondellet ay fait presentement;

Car mon penser n'est ailleurs, par mon ame.



Se je l'ay fait ne s'en esmerveille ame,

Car survenu m'en est le sentement

Tout en pensant a la beauté ma dame.



De vraie amour, qui mon cuer tout enflamme,

Est tout venu le doulz enortement

Qui esjoïst mon cuer trop grandement,

Dont suis plus gay que oyselet sus la rame,

Tout en pensant a la beauté ma dame.