Puis qu'ainsi est qu'il me fault vivre en dueil - Rondeaux

Puis qu'ainsi est qu'il me fault vivre en dueil

Et que jamais n'aray bien en ce monde,

Viegne la mort qui du mal me confonde,

Qui si me tient et pour qui morir vueil.



Et delaissier bien doy quanque amer sueil,

Si qu'en griefz plours mon doloreux cuer fonde,

Puis qu'ainsi est qu'il me fault vivre en dueil.



De tout maintien et contenance et d'ueil

Doy bien sembler femme, en qui dueil habonde;

Car tant est grant le mal qui me suronde

Que de la mort desir passer le sueil,

Puis qu'ainsi est qu'il me fault vivre en dueil.